گاڑی خریدنے کے خواہشمند پاکستانیوں کیلئے بڑی خوشخبری آگئی

Omoda & Jaecoo پاکستان نے اپنے آفیشل فیس بک پیج پر اعلان کرتے ہوئے تصدیق کی ہے کہ کمپنی جلد JAECOO J5 HEV ماڈل کو پاکستانی مارکیٹ میں متعارف کروانے جا رہی ہے۔

اس نئے ماڈل کی چند اہم خصوصیات میں ایڈوانسڈ ڈرائیور اسسٹنس سسٹمز (ADAS)، ایڈاپٹو کروز کنٹرول، پینورامک مون روف اور ہائیبرڈ الیکٹرک ٹیکنالوجی شامل ہیں۔

کمپنی نے ابھی گاڑی کی قیمت اور مارکیٹ میں لانچ کی تاریخ کا اعلان نہیں کیا ہے۔ تاہم، یہ اقدام Omoda & Jaecoo کی پاکستان میں موجودگی کو مزید مضبوط کرے گا۔ کمپنی نے پہلے اگست میں دو الیکٹرک SUVs متعارف کروائی تھیں، جبکہ اکتوبر میں ایک پلگ-ان ہائیبرڈ SUV بھی پیش کی گئی تھی۔

JAECOO J5 HEV میں 1.5 لیٹر ٹربوچارجڈ انجن کے ساتھ ہائیبرڈ پاورٹرین نصب کیا گیا ہے۔

 یہ کراس اوور کمپیکٹ ہائیبرڈ SUV مارکیٹ میں مقابلے کے لیے ڈیزائن کی گئی ہے۔ بین الاقوامی ماڈل میں چھ ایئر بیگز، اینٹی لاک بریکنگ سسٹم (ABS)، الیکٹرانک بریک فورس ڈسٹری بیوشن (EBD)، الیکٹرانک سٹیبلیٹی کنٹرول (ESP)، 540 ڈگری کیمرہ سسٹم اور ٹائر پریشر مانیٹرنگ جیسی جدید حفاظتی سہولیات شامل ہیں۔

گاڑی کے اندر لیدر سیٹیں، برقی طور پر ایڈجسٹ ہونے والی فرنٹ سیٹیں، ڈوئل زون کلائمٹ کنٹرول، پاور ٹیلگیٹ، پینورامک مون روف اور 13.2 انچ انفوٹینمنٹ اسکرین موجود ہے جس میں وائرلیس Apple CarPlay اور Android Auto کی سہولت دستیاب ہے۔

یہ SUV پاکستان میں ہائیبرڈ گاڑیوں کی مارکیٹ میں دلچسپی رکھنے والے صارفین کے لیے بہترین انتخاب ثابت ہو سکتی ہے۔