تین نئے فیچرز!!! واٹس ایپ صارفین کیلئے بڑی خبر آگئی

میٹا نے واٹس ایپ میں نئے سال کے آغاز پر گروپ چیٹس کے لیے چند اہم تبدیلیوں کا اعلان کیا ہے۔

 کمپنی کا کہنا ہے کہ 2026 کے ابتدائی مہینوں میں یہ فیچرز مرحلہ وار صارفین کو فراہم کیے جائیں گے۔ ان اپڈیٹس کا مقصد گروپس میں بات چیت کو زیادہ آسان اور مؤثر بنانا ہے۔

واٹس ایپ گروپ چیٹس میں سب سے نمایاں نیا فیچر ممبر ٹیگز کا ہے۔ اس سہولت کے تحت ہر صارف گروپ میں اپنا الگ نام یا ٹیگ رکھ سکے گا۔ اس سے گروپ کے دیگر افراد کو یہ جاننے میں مدد ملے گی کہ کون سا رکن کیا کردار ادا کر رہا ہے۔ صارفین مختلف گروپس میں مختلف ٹیگز بھی استعمال کر سکیں گے۔

دوسرا نیا فیچر ٹیکسٹ اسٹیکرز سے متعلق ہے۔ اب صارف کسی بھی لفظ یا جملے کو اسٹیکر میں تبدیل کر سکیں گے۔ اسٹیکر سرچ میں مطلوبہ الفاظ لکھ کر فوری اسٹیکر بنایا جا سکے گا۔ بعد میں ان اسٹیکرز کو اسٹیکر پیک میں محفوظ کرنے کی سہولت بھی ہوگی۔

تیسری اہم اپڈیٹ ایونٹ ریمائنڈر کی ہے۔ اس فیچر کے ذریعے گروپ چیٹ میں کسی بھی تقریب یا سرگرمی کے لیے ایونٹ بنایا جا سکے گا۔ صارف اس ایونٹ کے لیے یاددہانی بھی سیٹ کر سکیں گے تاکہ کوئی اہم موقع نظر انداز نہ ہو۔

میٹا کے مطابق ان نئے فیچرز کی آزمائشی فراہمی شروع ہو چکی ہے۔ آئندہ چند دنوں میں یہ تمام صارفین کے لیے دستیاب ہوں گے۔ کمپنی کا کہنا ہے کہ یہ اپڈیٹس گروپ چیٹس کو زیادہ منظم اور دلچسپ بنانے میں مدد دیں گی۔