امریکی ہتھکنڈے ایران میں کامیاب نہیں ہوسکتے، ایرانی صدر مسعود پزشکیان

تہران: ایرانی صدر مسعود پزشکیان نے کہا ہے کہ امریکی ہتھکنڈے ایران میں کامیاب نہیں ہوسکتے۔

ایرانی صدر مسعود پزشکیان نے امریکا کی کاروائیوں کی شدید تنقید کرتے ہوئے کہا ہے کہ امریکی اقدامات ایران کو عدم استحکام کا شکار کرنے میں کامیاب نہیں ہوں گے۔

انہوں نے عوام سے کہا کہ ملک میں ہنگامہ آرائی کے کسی بھی منصوبے کے بارے میں ہوشیار رہیں۔

صدر پزشکیان نے امریکا پر عالمی قوانین کی خلاف ورزی اور انسانیت کے خلاف جرائم کے ارتکاب کا الزام بھی عائد کیا۔

انہوں نے کہا کہ امریکہ کچھ افراد کو ہنگامہ آرائی پر اکسا رہا ہے اور اس کے ساتھ اسرائیل عالمی امن، استحکام اور سلامتی کو نقصان پہنچا رہا ہے۔

اپنی خارجہ پالیسی کی ترجیحات بیان کرتے ہوئے صدر نے کہا کہ ایران کے لیے ہمسایہ اور مسلم ممالک کے ساتھ تعلقات کو فروغ دینا اہمیت رکھتا ہے۔